தாவர (உத்பித) வகையைச் சேர்ந்த அலங்கார வடிவங்கள்

மரம், மலர்கள், கொடிகள், இலைகள் என்பவற்றை உபயோகித்து ஆக்கபூர்வமாக உருவாக்கப்பட்ட அலங்காரக் காட்டுருக்கள் தாவர வகையை சேர்ந்தவை ஆகும்.
தாவர வகையைச் சேர்ந்த அலங்காரக் காட்டுருக்கள் இயற்கை (ஸ்வபாவிக), பகுதிக் கற்பனை (கல்பித ) வடிவங்கள் என இருவகைப்படும்.
இயற்கை வகையைச் சேர்ந்தது சப்புமலர், தாழம்பூ ஆகிய உவருங்களைக் குறிப்பிடலம்.
பகுதிக் கற்பனை வடிவங்கள் அரை இயற்கை வடிவங்கள் உடையவை. உதாரணமாக கடுப்புல்மலர், சீன மலர், பரசத்து மலர், கத்திரிமலர் ஆகியவற்றைக் குறிப்பிடலாம்.
விகாரை ஓவியங்கள், கல் செதுக்கல்கள், மரச் செதுக்கல்கள் போன்றவற்றில் உபயோகப் படுத்தப்பட்டுள்ளன.
தலதா மாளிகை, கங்காரம் விகாரை, தெகல்தொரு விகாரை போன்ற புனிதத் தலங்களிலும் கண்டிக்கால பல விகாரைச் சுவர் ஓவியங்களிலும் இவ் அலங்கார உருக்களைக் காணலாம்.
எம்பக்கே தேவாலயத்தின் மரச் சிற்பங்களிலும் இவற்றைக் காணலாம்.
சுவர் ஓவியங்களின் இடைவெளிகளை நிரப்பி அலங்கரிக்கவும் இவை பயன்படுத்தப்படுகின்றன.

அன்னாசி மலர்

அன்னாசி மலரின் வடிவத்தைக் கொண்ட போதும் இலைகள் அவ்வடிவத்தைக் கொள்ளவில்லை. கொடி போன்ற சுபாவத்தைக் கொண்டது. உபயோகப்படுத்தும் இடப்பாடுகளுக்கேற்ப இலைகளின் வடிவம் மாற்றங்களுக்கு உட்படுத்தப்பட்டுள்ளன.

தாமரைப்பூ

தாமரை மலர் அலங்காரங்கள் நூற்றுக்கணக்கானவை உள்ளன.
இவை வட்டத்தினுள்ளேயே வரையப்பட்டுள்ளன.
வட்டவடிவமான அமைப்புக்குள் பல வடிவமைப்பு இதழ்களை கொண்ட தாமரை மலர் அலங்காரங்கள் அதிகளவில் உள்ளன.
கேத்திரகணித உருவங்களை உள்ளடக்கி நிர்மாணிக்கப் பட்டுள்ள தாமரை மலரின் இதழ்கள் பெரும்பாலும் இரட்டை எண்ணிக்கை கொள்ளும். (4, 8, 16)
விகாரை சுவரோவியங்களில் இடைவெளிகளை நிரப்புவதற்காகவும் விகாரைப்பாவு (உட்கூரை) அலங்கரிப்புக்காகவும் பரவலாகப் பயன்படுத்தப்பட்டுள்ளது.

சண்பகப் பூ / செண்பகப் பூ (சப்புமல் )

இயற்கையான சண்பகப் பூவுக்கு ஒத்ததாக நிர்மாணிக்கப் பட்டுள்ளது.
கண்டிக்கால விகாரைச் சுவர் ஓவியங்களில் இடைவெளிகளை நிரப்பப் பெரும்பாலும் உபயோகிக்கப் பட்டுள்ளது.
இயற்கையான தாவர வகை (உத்பீத) அலங்காரமாகும்.

தாளம் பூ

இது எளிமையான கோடுகளாலான ஒரு வடிவமைப்பாகும்.
இயற்கைக்கு அண்மித்த அலங்கார அலகாகும்.
ஆனால் முழுமையான இயற்கை அமைப்பு அல்ல.

கடுபுள் மலர்

பாளி மொழியில் ‘குமுதுப்பலா’ எனவும் சிங்கள மொழியில் ‘திவமகனெல்’ எனவும் அழைக்கப்படுகின்றது.
நாகலோகத்தைச் சேர்ந்த ஒரு மலராகக் கருதப்படுகின்றது.
மலர் அரும்பு, கொடியிலை, அரும்பு , கீலம் (பதுறு) போன்ற வடிவங்களைக் கொண்டது.

சீன மலர்

சிங்கள அலங்காரக் காட்டுருவின் அடிப்படை பயிற்சி வடிவமான அகத்திக்கருக்கு வக்கதெக ளியபத ஆகிய வற்றுக்கு செல்வாக்கைப் பெற்று வரையப்பட்டுள்ளதாகக் கருதப்பட்டுள்ளது.
தம்புள்ளை விகாரையில் சீன மலர் வடிவமைப்புக்கள் பலவற்றைக் காணலாம்.

மல்லிகைப்பூ

மல்லிகைப் பூவின் இயற்கையான வடிவத்தை அடிப்படையாகக் கொண்டு அரைக் கற்பனை இது நிர்மாணிக்கப்பட்டுள்ளது.
மல்லிகைப் பூ மேன்மையான ஒரு மலராகக் கருதப்படுவதால் தெய்வ உருவங்களின் பின்னணியை அலங்கரிக்க உபயோகப்படுத்தியுள்ளது.
அதிகமான விகாரைகளில் தூரிகையை மட்டும் உபயோகித்து கறுப்பு நிறப் பின்னணியில் வெள்ளை நிறத்தில் இம்மலரை வரைந்துள்ளனர்.

கத்திரி மலர்

மலரும் நிலையிலுள்ள ஆறு இதழ்களைக் கொண்டது.
புள்ளடி மலர் எனவும் அழைக்கப்படும்.
நடுவே உள்ள இதழ்கள் கத்திரிபோன்று அதாவது புள்ளடி போன்று அமைந்துள்ளது. மலரின் மத்தியில் கரிணிகா அமைப்பைக் கொண்டுள்ளது.
அன்னாசி மலரை ஒத்ததாகவும் காணப்படுகின்றது. எனினும் இது அன்னாசி மலர் போன்று முழுமையாக மலர்ந்த மலர் அல்ல.

பினர மலர்

“பினர” என்பது தாழ்நிலப் பிரதேசங்களில் “கினிகிரியா” எனப் பெயர் பெறும்.
காடுகளில் காணப்படும் இது நான்கு இதழ்களைக் கொண்டது.

பலாப்பெத்தி / பல்வேறு தாமரை இதழ் அலங்காரம்

இந்த அலங்கார வடிவமைப்பு, தாமரை இதழ்களைக் கொண்டு நிர்மாணிக்கப்பட்டுள்ளது.
ஓரத்தை அதாவது விளிம்பை அலங்கரிப்பதற்காகவே இது பொதுவாகப் பயன்படுத்தப் பட்டுள்ளது.
அதிகளவிலான பலாப்பெத்தி வடிவங்கள் இருக்கிற போதிலும் பிரயோகிக்கும் இடம், பாவனைப் பொருளின் வடிவம் ஆகியவற்றுக்கு ஏற்ற வகையில் பொருத்தமான வடிவமைப்பு தயாரித்துக் கொள்ளப்படும்.

பூங்கொடி அலங்காரம்

பூ, இலை, பிஞ்சு, கொழுகொம்பு ஆகியவற்றைக் கொண்டு ஆக்கப்பட்டுள்ளது.
தனிக்கொடி, இருகொடி, சிறிய கொடி, பெரியகொடி, எளிமையான கொடி, சிக்கலான கொடி என இவ்வடிவமைப்புப் பயன்படுத்தப்பட்டுள்ளது.
சுழி வலையின் செல்வாக்கைப் பெற்று உருவாக்கப்பட்ட ஒரு வடிவமைபெனக் காணலாம். இவ்வாறான ஆயிரக் கணக்கான வடிவமைப்புக்கள் உள்ளன.
தளவடிவங்களுக்குப் பொருத்தமானவாறு சுயாதீனமாக கொடி அலங்காரம் ஆக்கப் பட்டுள்ளது.

பயிற்சி வினாக்கள்

1. மேற்தரப்பட்டுள்ள தாவர (உத்பித) வகையைச் சேர்ந்த அலங்கார வடிவங்களை வரைந்து சிற்றேடு ஒன்றை ஆக்குங்கள்.