எகிப்திய கலைப் படைப்புக்கள்

• நைல் நதிக்கரையில் அமைவு பெற்றிருந்த பண்டைய நாகரிகமாகிய எகிப்திய நாகரிகம் கி.மு. 3000 – 30 வரையான காலத்துக்குரியது.
• எகிப்திய பாராவோ (Pharaoh) மன்னர்களின் புகழைக் கூறும் மாபெரும் பிரமிட்டுகள், கட்டட நிர்மாணங்கள், ஓவியங்கள், சிற்பங்கள், நிர்மாணிக்க மூலகாரணமாக இருந்தது இறப்புக்குப் பின் வாழ்க்கை எனும் எண்ணக்கருவின் நம்பிக்கையே ஆகும்.
• அமர்ணா, கீஸா ஆகிய நகரங்களை அண்டி எகிப்திய நிர்மாணங்கள் பல காணப்படுகின்றன.

ஸ்பின்க்ஸ் (Sphinx)

• கி.மு. 2440 காலப் பகுதிக்குரிய ஸ்பின்க்ஸ் சிற்பம் குபு பிரமிட்டுக்கு முன்னால் 66 அடி உயரமாகவும் 240 அடி அகலத்தில் நிர்மாணிக்கப்பட்டுள்ளது.
• எகிப்தியக் கலையில் பல ஸ்பின்க்ஸ் சிற்பங்கள் காணக்கூடியதாக இருக்கின்றன. இவற்றுள் மாபெரும் ஸ்பின்கஸ் (Great Sphinx) எனும் சிற்பம் முக்கியத்துவம் வாய்ந்தது.
• மனித முகமும் விலங்குடலும் (சிம்மம்) கொண்ட இது எகிப்திய கலைகளினுள் சிறந்த ஒரு சிற்பம் ஆகும்.
• ஸ்பின்க்ஸ் படைப்பானது பாராவோ மன்னனின் வலிமையையும், பாதுகாப்புத் தொடர்பான எண்ணக்கருவையும் காட்டுகின்றது என்பது விமர்சகர்களின் கருத்தாகும்.

ஸ்கிறைப் (எழுதுபவர்) (Scribe)

• எகிப்திய சிற்பங்களில் எழுத்தாளர் அல்லது ஸ்கிறைப் ஒரு முக்கிய பண்டைய காலப் படைப்பு ஆகும்.
• இவ்வாறான பல ஸ்கிறைப் சிற்பங்கள் எகிப்தில் கண்டெடுக்கப்பட்டுள்ளன ஆயினும், பிரான்ஸ் இல் உள்ள லூவர் நூதனசாலையில் வைக்கப்பட்டிருக்கும் ஸ்கிறைப் சிற்பம் சிறப்பானதாகும்.
• சுண்ணாம்புக் கல்லினால் நிர்மாணிக்கப்பட்டுள்ள 2 அடி உயரமான இது முக்கோண வடிவத்தில் கட்டமைப்பைக் கொண்டது.
• முழுப்புடைப்பு முறையில் மரத்தில் படைக்கப்பட்டுள்ளது.
• பளிங்குக் கல்லினால் கட்குழிகள் நிரப்பப்பட்டுள்ளன.
• வர்ணம் தீட்டப்பட்டுள்ளது.
• கி.மு.2600 – 2350 காலப் பகுதியைச் சேர்ந்தது.
• சகாரா (Sakkara) பிரதேசத்தில் ஒரு கல்லறைக்குள் இது கண்டெடுக்கப்பட்டுள்ளது.
• இது தமது எஜமான் கூறும் எதையோ எழுதுவதற்குத் தயாராக இருப்பவரின் தோற்றத்தைக் குறித்து நிற்கிறது.

நெபிரிற்றி அரசி (Nefertiti)

• எகிப்திய அமர்ணா யுகத்தை அதாவது புதிய இராசதானி காலத்திற் படைக்கப்பட்ட நெபரிற்றி அரசியின் உருவம் தற்போது பேர்லின் அரும்பொருட் காட்சியகத்தில் வைக்கப்பட்டுள்ளது.
• இது பெண் உடலின் மேற்பகுதியைக் காட்டும் முழுப்புடைப்பு நுட்பமுறையில் படைக்கப்பட்டுள்ள சிற்பமாகும்.
• எகிப்தியக் கலைப்படைப்புக்களில் காணப்படும் பாணி சார்ந்த பாரம்பரியத்திலிருந்து விடுபட்டு, இயற்பண்பான பாணியின் இயல்புகள் இச்சிற்பத்தில் காணப்படுகின்றன.
• 20 அங்குல உயரமாகப் படைக்கப்பட்டுள்ள இச்சிற்பம், சுண்ணக்கல் ஊடகத்தில் படைக்கப்பட்டு, வர்ணந்தீட்டப்பட்டுள்ளது.
• எகிப்து பராவோ அரசர்களில் ஒருவரான புதிய இராசதானியின் அக்னேதன் (Akhenaten) அரசனின் அரசியாகக் கருதப்படும் நெபிரிற்றியின் இச்சிற்பம் கி.மு. 1375 காலத்துக்கு உரியது.
• தலையில் அணிந்துள்ள உயரமான மகுடமும், கழுத்தில் அணிந்துள்ள மாலையும் சிற்பத்துக்கு அழகூட்டும் வகையில் அமைந்துள்ளதோடு பேரரசியின் வலிமையையும், பெருமையையும் காட்டி நிற்கின்றன.

எகிப்திய ஓவியப்படைப்புக்கள்

• எகிப்திய ஓவியப்படைப்புக்களை (கல்லறை) பிரமிட்டுக்களிலும், தேவாலயங்களிலும் காணலாம்.
• இரு பரிமாணத்தன்மை, பக்கத்தோற்றம் போன்ற இயல்புகளை இந்த படைப்புகளில் காணலாம்.
• நிறந்தீட்டும் போது பெரும்பாலும் தட்டைத்தன்மை பயன்படுத்தப்பட்டுள்ளது.
• கற்பனையான எண்ணக்கருக்கள், மக்கள் வாழ்க்கையில் பல்வேறு நிகழ்வுகள், அரசர்கள், அரசிகள் தொடர்பான நிகழ்வுகள் போன்றனவற்றை எகிப்திய கட்டட நிர்மாணங்களில் காணலாம்.
• எகிப்திய ஓவியங்களுக்கு இடையே குறிப்பிடப்பட்டுள்ள ஹைரொக்லிபிக்ஸ் (Hieroglyphics) அதாவது உருவ அட்சரங்கள் எழுத்துக்களின் முதலாவது கட்டம் என்ற வகையில் இன்றும் தொல்பொருள் ஆய்வாளர்களின் ஆராய்ச்சிக்கும் அவதானிப்புக்கும் உட்பட்டு வருகின்றது.

மீடம் வாத்துக்கள் (Geese of Meidum)

• கி.மு. 2630 காலத்தைச் சேர்ந்த இந்த ஓவியம், எகிப்திய பண்டைய ஓவியப்படைப்புக்களுள் ஒன்றாகும்.
• மீடம் இல் மஸ்தாபா வகையைச் சேர்ந்த சமாதிக்கூடமொன்றில் காணப்பட்ட இந்த ஓவியத்தின் ஒன்றன் பின் ஒன்றாகச் செல்லும் ஆறு வாத்துக்கள் காணப்படுகின்றன. அந்த ஆறு வாத்துக்களும் மும்மூன்றாக இரண்டு பக்கங்களிலும் ஒன்றன் பின் ஒன்றாகச் செல்வது போன்று சித்தரிக்கப்பட்டுள்ளது.
• உருவங்களைத் தளத்தின் மீது சேர்மானஞ் செய்யும்போது, முன்னாலுள்ள வாத்துக்களின் தலை நிலத்தை நோக்கியதாக இருக்குமாறும் உயிரோட்டமான தன்மையுடையதாகவும் அவற்றின் மெய்நிலைகளைப் படி ஒழுங்கு முறையாகக் காட்டுவதற்கும் கலைஞர் முயற்சி செய்துள்ளார்.
• நிறந்தீட்டும் போது கறுப்பு, வெள்ளை, கபில நிறங்களின் வெவ்வேறு சாயல்கள் வெளிப்பட்டுள்ளது.
• கோடுகள் மூலம் நுணுக்கமாகவும், விரிவாகவும் வடிவங்கள் காட்டப்பட்டுள்ளன.
• இந்த இயல்புகள் எகிப்திய மனித உருவ ஓவியங்கள் வரைவதற்காகப் பயன்படுத்தப்படவில்லை அதாவது நிறங்கள், கோடுகள் மூலம் இயற்கையான இயல்புகளுகளோடு முப்பரிமாண இயல்புகள் வெளிப்படுத்தப்பட்டுள்ளமையைக் இனங்காணலாம்.

பறவை வேட்டை (Fowling scene)

• பறவை வேட்டை ஓவியம் கி.மு. 1580 – 1350 இற்கும் இடைப்பட்ட காலத்தில் புதிய இராசதானி யுகத்தைச் சேர்ந்ததாகக் கருதப்படுகின்றது.
• இது வர்ணந்தீட்டப்பட்ட ஒரு ஓவியமாகும். இது திபஸ் இல் நெபாமுன் (நேடியஅரn) கல்லறையில் இருந்து கிடைத்தது.
• எகிப்திய பிரபுவான நெபாமுன் ஓடமொன்றில் ஏறி நைல் நதியில் தமது கையில் உள்ள வளை தடியைப் (டீழழஅநசநபெ) பயன்படுத்தி பறவை வேட்டையாடும் விதம் இந்த ஓவியத்தில் காட்டப்பட்டுள்ளது.
• அவரது ஒரு கையில் வேட்டையாடிய மூன்று பறவைகள் உள்ளன.
• இந்த ஓவியத்தில் காணப்படும் பெண் உருவங்கள் அவரது புதல்வியும் மனைவியுமாவர் எனக் கருதப்படுகின்றது.
• பைப்பிரஸ் (Pழிலசரள) பற்றைகளுக்கு இடையே பறவைகள் காட்டப்பட்டுள்ளதோடு, அதற்கு அருகே உள்ள வேட்டைப்பூனை, கால்களால் இரண்டு பறவைகளையும் வாயினால் ஒரு பறவையையும் பிடித்துக்கொண்டிருக்கும் விதம் காட்டப்பட்டுள்ளது.
• மனித உருவங்கள் மரபார்ந்த பாணி ரீதியாக பக்கத்தோற்றமாகவும், பிராணிகளும் தாவர இலைகளும் மிக இயல்பான வகையிலும் சித்தரிக்கப்பட்டுள்ளன.
• பட்டிகைச் சித்திரிப்பாகக் குறிப்பிட்டுள்ளது. இச்சித்திரச் சட்டகத்தினுள் பல்வேறு நிகழ்வுகளின் சேர்மானம் காட்டப்பட்டுள்ளதோடு, அதன் மூலம் ஓவியத்தின் தொழிற்பாட்டுத்தன்மை எடுத்துக்காட்டப்பட்டுள்ளது.
• இது உலர்ந்த சாந்தின் மீது பிரெஸ்கோ சிக்கோ நுட்ப முறையில் வரையப்பட்ட ஓர் ஓவியமாகும்.
• உருவங்களுக்கு நிறந்தீட்டுவதற்காக மஞ்சள், சிவப்பு, வெள்ளை, கறுப்பு போன்ற நிறங்கள் பயன்படுத்தப்பட்டுள்ளதோடு, ஓவியங்கள் இருபரிமாணத் தன்மையுடையன.
• ஓவியத்தின் பின்னணியில் ஹைரொக்லிபிக்ஸ் (Hieroglyphics) எமுத்துக்கள் அதாவது உருவ அட்சரங்களைக் காணலாம்.
• தற்போது இது லண்டனில், பிரித்தானிய அரும்பொருட் காட்சியகத்தில் காட்சிக்கு வைக்கப்பட்டுள்ளது.

பயிற்சி வினாக்கள்