முதலியார் ஏ.சீ. ஜீ. எஸ் . அமரசேகர (1883-1983)

•  கலைஞர் முதலியார் ஏ. சீ. ஜீ. எஸ். அமரசேகர இருபதாம் நூற்றாண்டின் முற்பகுதியில் இலங்கையில் கலாநிலைய யதார்த்தவாத (Academic Realism) ஓவிய கலை முறைமையில் முன்னோடியாகச் செயற்பட்ட ஒரு சித்திரக் கலைஞர் ஆவார்.
• 1883 மார்ச் 3 ஆந் திகதி காலி மாவட்டத்தின் தொடந்துவை எனும் ஊரில் பிறந்த முதலியார் ஏ. சீ. ஜீ. எஸ். அமரசேகர (ஏப்ரகாம் கிரிஸ்டோபர் கிறக்கறி சூரிய ஆரச்சி அமரசேகர ) கருத்துப்படக் (Cartoon) கலைஞராகவே படைப்பாக்கத் துறையில் பிரவேசித்தார்.
• பிரித்தானிய ஆட்சியாளரின் அனுசரணையின் கீழ், நிறுவப்பட்ட இலங்கைக் கலைக் சங்கத்தின் (Ceylon Society of Art) முன்னோடிக் கலைஞர்களுள் ஒருவராகவும் செயற் பட்டார்.
• இலங்கை ஒரு குடியேற்ற நாடாக இருந்தபோது பிரித்தானியாவில் இருந்து வருகை தந்த கலைஞர்களின் கலைச் செல்வாக்கை , இலங்கைக் கலைச் சங்கத்தைச் சேர்ந்த கலைஞர்களின் படைப்புக்களில் காணலாம்.
• கலைஞர் முதலியார் ஏ. சீ. ஜீ. எஸ். அமரசேகரவினது சித்திரப் படைப்புக்களில் ஐரோப்பிய கலாநிலையக் கலைப்பாணியாகிய யதார்த்தவாத கலைப்பண்புகளைக் காணலாம்.
• உயிரினங்களின் உருவங்கள், யதார்த்தமான நிலத்தோற்றங்கள் போன்றவற்றை வரைவதில் திறமை மிக்கவரான இவர், தமது சித்திரப் படைப்புக்களுக்காக, நீர் வர்ணம், எண்ணெய் (தைல ) வர்ணம் ஆகிய இரண்டு நிற ஊடகங்களையும் பயன்படுத்தியுள்ளார்.
• மனித உருவங்களை உள்ளடக்கிய உருவ ஒழுங்கமைப்புகளுக்கு முதலிடமளித்த இவர், ஐரோப்பிய கலாநிலையக் கலையின் முதன்மையான ஒரு பண்பாகிய தூரநோக்கு முறையைத் தமது சித்திரங்களின் அடிப்படையாகக் கொண்டுள்ளார்.
• முப்பரிமாண இயல்புகளைக் கொண்ட நிறப் பயன்பாட்டுடன், ஒளி, நிழல் தொடர்பாக கலாநிலைய அறிவாகிய ‘கியரஸ்கியுரோ” (Chiaroscuro) கோட்பாட்டை அவரது படைப்புக்களில் காணமுடிகிறது.
• கலைஞர் முதலியார் ஏ. சீ. ஜீ. எஸ். அமரசேகரவினது சித்திரக் கலைப் படைப்புக்கள் சில வருமாறு:
  • தொழிலின்மை (Unemployed) / தச்சனின் வீடு
  • பூனைக்குட்டி
  • பேயோட்டியின் மகள்
  • ரீட் மாவத்தை (நீர்வர்ணம்)
  • அரச தலைவர்களின் மெய்யுருக்கள் / பிரதிமை ஓவியங்கள் (Portrait)

பேயோட்டியின் மகள்

• தற்போது கொழும்பு, தேசிய கலா பவனத்தில் நிரந்தரமாகக் காட்சிக்கு வைக்கப்பட்டுள்ள ‘பேயோட்டியின் மகள்’ எனும் ஓவியம் கன்வசுத் தளத்தில் எண்ணெய் வர்ணத்தினால் படைக்கப்பட்டுள்ளது.
• இந்த ஓவியத்தில் உள்ள பேயோட்டியின் மகள், சாந்திக் கிரியைகளுக்குரிய உடைகள் அணிந்த நிலையில் உள்ளாள். அக்கணத்தில் அச்சமடைந்துள்ள விதம் இந்த ஓவியத்தில் காட்டப்பட்டுள்ளது.
• மனிதனின் அக உணர்வுகளைக் காட்டும் யதார்த்தப்பாணி மற்றும் கற்பனைப்பாணி இயல்புகளின்படி ஆச்சரிய மற்றும் மறைந்த நிலை கருப்பொருள்களைக் கொண்ட கற்பனையான ஒரு விடயத்தைக் கருவாகக் கொண்டு இக்கலைப்படைப்பின் வெளிப்பாடு உருவாக்கப்பட்டுள்ளது.
• சித்திரத்தில் காட்டப்பட்டுள்ள தீச்சுவாலை, அவளது முகத்தில் காட்டப்படும் உணர்வு களுக்கு ஒப்பிடும் வகையில் சித்திரிக்கப்பட்டுள்ள வேடமுகம், பாரிய அளவுடைய நிழல் ஆகியன மூலம் ஒட்டுமொத்த கலைப்படைப்பின் வெளிப்பாட்டுத்தன்மையையும் நாடகப்பாங்கான தன்மையும் அழுத்தப்பட்டுள்ளது.
• இந்த ஓவியத்தில் இரண்டு தளங்கள் உள்ளன. அத்தளங்களில் உருவங்களும் நிறங்களும் சிறப்பாகப் பயன்படுத்தப்பட்டுள்ளன.
• இந்த ஓவியத்தில் வர்ணப் பயன்பாடு ‘கியுரஸ்கியுரோ’ (Chiaroscuro) முறையில் கையாளப்பட்டுள்ளதும், ஒளியினதும் நிழலினதும் தன்மை நன்கு வெளிப்படுத்திக் காட்டப்பட்டுள்ளது.
• பயன்படுத்தப்பட்டுள்ள வர்ணங்கள் ஒரு தனி நிறப் பண்புகளைக் கொண்ட செவ்வியல் வர்ணங்களாகும்.
• சித்திர உருக்களின் விவரங்கள் (details) முனைப்பாக்கப்படும் (highlight) வகையிலேயே இருண்ட நிறப் பயன்பாட்டினுள் ஒளி கையாளப்பட்டுள்ளது.

தொழிலின்மை / தச்சனின் வீடு (Unemployed)

• கலைஞர் ஏ. சீ. ஜீ. எஸ். அமரசேகர வரைந்த ‘தொழிலின்மை’ எனப் பெயரிடப்பட்டுள்ள இந்த ஓவியம் ‘தச்சனின் வீடு’ எனும் பெயரிலேயே பிரபல்யமடைந்துள்ளது.
• கன்வசுத் தளத்தில் எண்ணெய் (தைல ) வர்ணத்தினால் சித்தரிக்கப்பட்டுள்ள ‘தச்சனின் வீடு” எனும் இந்த ஓவியம் கொழும்பு, தேசிய கலாபவனத்தில் காட்சிக்கு வைக்கப்பட் டுள்ளது.
• தச்சனின் வீட்டில் நிலவும் வறுமை நிலையைக் காட்டுவதற்காக மிகச் சிறப்பாக மனித உருவங்களும் வர்ணங்களும் பயன்படுத்தப்பட்டுள்ளன.
• யன்னலின் ஊடாக வீட்டினுள் புகும் ஒளி மிக இயல்பான வகையில் சித்திரிக்கப்பட்டுள்ளது. அவ்வொளியின் மூலம் தச்சனது வீட்டாரின் முகங்களில் தோன்றும் உணர்வுகள் மிகச் சிறப்பாகக் காட்டப்பட்டுள்ளன.
• யன்னலின் ஊடாகக் காட்டப்படும் ஒளியின் தன்மை ஒட்டுமொத்த படைப்பில் பயன்படுத்தப் பட்டுள்ள நிறங்கள், ‘கியரஸ்கியுரோ’ (Chiaroscuro) கோட்பாட்டின்படி முப்பரிமாண இயல்புகளுடன் காட்டப்பட்டுள்ளது.
• பயன்படுத்தப்பட்டுள்ள வர்ணங்கள், ஒரு தனி நிறப் பண்புகளைக் கொண்ட செவ்வியல் வர்ணங்களாகும்.
• கலாநிலைய இயற்கை வாத, யதார்த்தவாத பாணியைப் பின்பற்றி, மனித உருவின் அழகும் உள்ளுணர்வுகளும் இக்கலைப் படைப்பில் நன்கு வெளிக்காட்டப்பட்டுள்ளன.
• படைப்பாக்க வெளியின் மீது, ஆழத்தைக் காட்டியவாறு, தூரநோக்கு இயல்புகளை உள்ளடக்கி, முன்பகுதி , நடுப்பகுதி, பின்பகுதி ஆகிய தளங்களின் மீது தூரநோக்குப் பண்புக்கமைய வர்ணங்களும் வடிவங்களும் ஒழுங்கமைக்கப்பட்டுள்ளன.

பயிற்சி வினாக்கள்