டேவிட் பெயின்ரர்

• தேசிய ஓவியக் கலைஞரான டேவிட் பெயின்ரர் ஆங்கிலேய இனத் தந்தைக்கும் சிங்களத் தாயாருக்கும் 1900 ஆம் ஆண்டில் இந்தியாவில் அல்மேறா என்னும் இடத்தில் பிறந்தார். இவரது தந்தையார் ஒரு கிறிஸ்தவப் போதகராவார்.
• இங்கிலாந்து சென்று றோயல் அக்கடமியில் ஓவியக் கலையைக் கற்றுள்ளார்.
• ஐரோப்பிய மரபு சார்ந்த இயற்கை வாதப் பாணிப் பண்புகள் வெளிப்படும் வகையில் மனித வடிவை ஓவியமாக வரையும் பொழுது உடலின் அழகு, லயம், அகஇயல்புகள் என்பன சிறப்பாக வெளிப்படுத்தப்பட்டு உள்ளன.
• தேசிய புகழ் பூத்த ஓவியரான இவர் இலங்கைக் கலைச் சங்கத்தின் சமகாலக் கலைஞர்களுள் ஒருவராவர்.
• டேவிட் பெயின்ரது படைப்புக்களின் விடயப் பொருள்கள் வருமாறு

♦ பிரதிமை ஓவியம்
♦ மனித உருவ ஒழுங்கமைப்பு
♦ திரித்துவத் தேவாலய சுவரோவியங்கள்.

டேவிட் பெயின்ரர் ஓவியக் கலைஞரின் படைப்புகளும் ஓவிய ஒழுங்கமைப்பு இயல்புகளும்.

• உயிரோட்டத்தையும், மேனி அழகையும் நன்கு வெளிப்படுத்தும் வகையில் மனித உருவங்களைச் சித்தரித்தல்.
• மனித மெய்நிலைகள், உணர்வுகளை வெளிப்படுத்தலும் காத்திரத் தன்மையைக் கொண்டிருத்தலும்.
• முப்பரிமாண இயல்புகள் வெளிப்படுமாறு பிரகாசமான வர்ணங்கள் பயன்படுத்தப்பட்டிருத்தல்.
• கிறிஸ்தவக் கருப்பொருள்களைச் சித்தரிக்கும் போது ஐரோப்பியப் பண்பாடும் நிலவுருவில் இலங்கைப் பின்னணியும் சித்தரிக்கப்பட்டிருத்தல்.

வெற்றியுடன் ஜெரூசலத்திற்குள் பிரவேசித்தல்

• தேசிய கலாபவனத்தில் நிரந்தரமாகக் காட்சிக்கு வைக்கப்பட்டுள்ள இந்த ஓவியம் கன்வஸ்துணி மீது எண்ணெய் வர்ணத்தினால் தீட்டப்பட்டுள்ளது.
• தளத்தில் உருவங்களைச் சித்தரிக்கும் போது முன்பகுதி, நடுப்பகுதி, பின்பகுதி மீது உருவங்களைத் ஸ்தாபித்து, ஓவியத்தின் அழகும் தூரநோக்கு இயல்புகளும் காட்டப்பட்டுள்ளன.
• முப்பரிமாண இயல்புகளுடன் அதிக இளஞ்சிவப்பு நிறம் சார்ந்த பிரகாசமான வர்ணங்கள் பயன்படுத்தப்பட்டுள்ளன.
• ஓவியத்தின் பின்னணியாக, ஜெரூசலம் பாலைவனத்துக்குப் பதிலாக, இலங்கை உலர்வலயத்தைச் சேர்ந்த மலைப்பாங்கான தரைப் பிரதேசம் சித்தரிக்கப்பட்டுள்ளது.

நல்ல சமாரியன்

• இது கண்டி திருத்துவத் தேவாலயத்தில் வரையப்பட்டுள்ள ஓர் ஓவியமாகும்.
• இயேசு நாதர் போதித்த உண்மைக் கதையொன்றின் ஒரு அங்கமே இந்த ஓவியத்தில் சித்தரிக்கப்பட்டுள்ளது. அதாவது அடிவாங்கிக் காயமடைந்த ஒருவருக்கு நல்ல சமாரியன் உதவி புரியும் சந்தர்ப்பமே இதுவாகும்.
• இயேசு பிரானின் கதையைச் சித்தரிக்கும், கண்டி திருத்துவ தேவாலய சுவரோவியங்களின் சிறப்பியல்பானது ஐரோப்பியப் பண்பாக உருவமும், பின்னணியாக இலங்கைப் பின்னணியிலும் சித்தரிக்கப்பட்டுள்ளமையாகும்.
• இலங்கை மனிதரின் உருவங்கள், ஆடையணிகள், சூழற் தன்மை ஆகியன இங்கு தெட்டத் தெளிவாகக் காட்சியளிக்கும் இயல்புகளாகும்.
• ஐரோப்பிய ஓவியக் கலைக் கோட்பாடுப் பண்பில் ஆழத்தைத் காட்டுதல், தூரநோக்கு, முப்பரிமாண இயல்பு ஆகியவற்றை இந்த ஓவியத்தில் காணலாம்.

பயிற்சி வினாக்கள்