மைக்கல் ஆஞ்சலோ

• மைக்கல் ஆஞ்சலோ கி.பி. 1475 இல் இத்தாலி நாட்டில் புளோரன்ஸ் நகரில் காசல் கப்ரீஸ் எனும் இடத்தில் பிறந்தார்.
• அவர், ஓவியம், சிற்பம், செதுக்குவேலை, கட்டடக்கலை ஆகியவற்றில் இயல்பான திறனைக் கொண்டிருந்தார்.
• மறுமலர்ச்சிக் காலத்திற் தோன்றிய புகழ்பூத்த கலைஞராக இவர் கணிக்கப்படுகின்றார்.
• ஆரம்பத்தில் ஜர்லன்டாயோ, பர்டல்டோ ஆகிய கலைஞர்களிடத்தே கலை பயின்றுள்ளார்.
• தமது 15 வயது தொடக்கம் ஓவியங்கள், சிற்பங்கள் படைப்பதில் திறனைக் காட்டியுள்ளார்.
• இவர் சலவைக் கல்லில் படைத்த மிகச் சிறந்த சிற்பங்கள் :

♦ பியெட்டா
♦ டேவிட்
♦ மோசஸ்
♦ இறக்கும் அடிமை
♦ கலகக்கார அடிமை
♦ 11ஆம் ஜூலியஸ் பாப்பாண்டவரின் கல்லறை
♦ புரூகஸ் அன்னை மரியாள்
ஆகியவற்றைக் குறிப்பிடலாம்.

• மைக்கல் ஆஞ்சலோ சிஸ்டைன் தேவாலய ஓவியங்களையும், கன்வஸ் மீது எண்ணெய் வர்ணத்தைப் பயன்படுத்தி புனித குடும்பம் எனும் ஓர் ஓவியத்தையும் படைத்துள்ளார்.

பியெட்டா (Pieta)

• சிலுவையில் மரணித்துக் களையப்பட்ட யேசுபிரானின் உயிரற்ற உடலை அன்னை மரியாள் மடியில் வைத்திருக்கும் காட்சியையே மைக்கல் ஆஞ்சலோ இந்தச் சிற்பத்துக்கான கருப்பொருளாகக் கொண்டுள்ளார்.
• சலவைக் கல்லில் செதுக்கப்பட்டுள்ள இந்தச் சிற்பம் ரோமாபுரியில் புனித பீற்றர் தேவாலயத்தில் தற்போது காட்சிக்கு வைக்கப்பட்டுள்ளது.
• யேசுபிரானின் உயிரற்ற உடலின் தன்மையும், அன்னை மரியாளின் ஆடைகளும் சந்தத்துக்கமைய இயல்பான வகையில் தத்ரூபமாக சலவைக் கல்லில் வடிவமைக்கப்பட்டுள்ளன.
• தாயையும், மகனையும் சம வயதினர்களாக காட்டியுள்ளதனால் இருவரிலும் தேவ லோகத்தன்மையை எடுத்துக்காட்ட முயற்சி செய்யப்பட்டுள்ளது.
• மனிதத்துவம் தொடர்பான பரிவுணர்வு இந்த சிற்பத்தில் காட்டப்படுகின்றது.

டேவிட் (David)

• வலிமை, துணிவு, மானுட இரக்கம், இளமை ஆகிய பண்புகள் இச்சிற்பத்தின் மூலம் நன்கு காட்டப்பட்டுள்ளது.
• சலவைக் கல் ஊடகத்தில் முழுப் புடைப்புச் சிற்பமாக வடிவமைக்கப்பட்டுள்ள இச்சிலை 14 அடி 3 அங்குல உயரமான நிர்வாண ஆண் உருவமாகும்.
• கிரேக்க – உரோம் சிற்பக்கலைப் பாரம்பரியப்படி மனித உடலின் அழகு, எடுப்பான தன்மை, சாந்தம் ஆகியன இயல்பாகவும், தத்ரூபமாகவும் காட்டப்பட்டுள்ளன.

ஆதாமைப் படைத்தல் (The creation of Adam)

• மைக்கல் ஆஞ்சலோவினால், உரோமபுரியில் சிஸ்ரைன் தேவாலயத்தில் பிரெஸ்கோ சிக்கோ நுட்பமுறையில் படைக்கப்பட்டுள்ள விதான ஓவியங்களுள் முக்கியமான ஒன்றாகும்.
• பெரும்பாலான கிறிஸ்தவக் கலைஞர்களால் சித்தரிக்கப்படாததாக கடவுளின் உருவம் இங்கு சாதாரணமான ஒரு மனிதனின் உருவத்தைப் போன்று சித்தரிக்கப்பட்டிருத்தல் இதன் சிறப்பியல்பாகும்.
• வலிமை , துணிவு, மானுட இரக்கம், இளமை ஆகிய பண்புகள் இவ்வோவியத்தின் மூலம் நன்கு காட்டப்பட்டுள்ளது.
• தேவர்களுடன் இருக்கும் கடவுள், ஆதாமின்பால் கையை நீட்டி அவனுக்கு உயிர் கொடுக்கும் விதமும், ஆதாம் கடவுளை நோக்கிக் கையை நீட்டிக் கொண்டிருக்கும் நிலையும் இங்கு சித்தரிக்கப்பட்டுள்ளது.
• கடவுளின் முதுமையும் ஆதாமின் இளமையும் நன்கு காட்டப்பட்டுள்ளது. அவரது சிற்பங்களில் பொதித்துள்ள வலிமையும் உறுதியும் இந்த ஓவியத்திலும் காணப்படுகின்றன.

இறுதித் தீர்ப்பு (Last Judgment)

• உரோமபுரியில் வத்திக்கான் நகர சிஸ்ரைன் தேவாலயத்தின் பலிபீடத்துக்குப் பின்னால் உள்ள சுவரில் இந்த ஓவியம் படைக்கப்பட்டுள்ளது.
• உலகின் மிகப் பெரிய பிரெஸ்கோ சிக்கோ ஓவியமெனக் கருதப்படும் இது, ஏறத்தாழ 48 ஒ 44 அடி அளவைக் கொண்டுள்ளது.
• மைக்கல் ஆஞ்சலோ இந்த ஓவியத்தைப் பிரதானமான 3 பகுதிகளாகப் பிரித்து அவற்றை சுவர்க்கம், மனிதரின் உலகம், மறு உலகம் எனக் குறியீட்டு ரீதியில் சித்தரித்துள்ளார்.
• கலைஞர் தமக்கேயுரிய இயல்பான தத்ரூபமான பாணியின் பண்புகளை உள்ளடக்கி இந்த ஓவியத்தை படைத்துள்ளார்.
• மனித உருவங்களின் உடல் இயல்புகளும், செயற்படு தன்மை இயல்புகளும், உணர்வு வெளிப்பாடுகளும் நன்கு சித்தரிக்கப்பட்டுள்ளன.

பயிற்சி வினாக்கள்