லியனாடோ டாவின்சி

• லியனாடோ டாவின்சி மறுமலர்ச்சிக் காலத்தில் உருவான சிறந்த புகழ்பெற்ற ஓவியராவார்.
• இவர் கி.பி. 1452ம் ஆண்டு ஏப்ரல் மாதம் 15ஆம் திகதி இத்தாலியின் புளோரன்ஸ் நகரத்தின் வின்சி எனும் சிறிய கிராமத்தில் பிறந்தார்.
• வெராச்சியோ எனும் ஓவியரிடம் ஓவியம் பயின்று தனது திறமைகளை மேலும் வளர்த்துக் கொண்டார்.
• ஓவியக்கலை மட்டுமல்லாமல் சங்கீதம், பொறியியல், கட்டட நிர்மாணம், புதிய நிர்மாணங்களை அமைத்தல் என்பவற்றிலும் நாட்டம் கொண்டு அவற்றில் தனது திறமைகளையும் வெளிப்படுத்தியுள்ளார்.
• இவரது ஓவியங்களுள்,
  ♦ பாறை மேல் கன்னி (Virgin of the rocks)
  ♦ இறுதி இராப்போசனம் (The last supper)
  ♦ மொனாலிசா (Monalisa)
  என்பன முக்கியமானவையாகும்.

பாறை மேல் கன்னி

• கன்னி மரியாளும் இருபாலகர்களும் காணப்படுகின்றனர்.
• கன்னி மரியாளுக்கு அருகில் இரு பாலகர்களும் ஒரு தேவதூதனும், மலைக்கு மேல் உள்ள ஒரு காட்சி இதனைப் பிரதிபலிக்கிறது.
• முக்கோண மாதிரியின்படி அமைக்கப்பட்டுள்ளது.
• கன்னி மரியாளின் முகத்தில் காருண்யம், பாலகர்களின் மென்மை என்பவற்றை ஓவியர் துல்லியமாக எடுத்திக் காட்டியுள்ளார்.
• பின்னணியில் தாவரங்கள், பல வடிவங்களில் உள்ள மலைகள் காட்டப்பட்டுள்ளது.
• தூரத்தில் காணக்கூடிய வகையில் பூமியையும் சித்தரித்துள்ளார். அதாவது தூரதரிசனம் உபயோகித்துள்ளார்.
• ஒளி நிழல் காட்டி வரைந்துள்ளார். அவர் பிரயோகித்த நுட்பமுறை அவரது முதிர்ச்சியை எடுத்துக் காட்டுகிறது.
• கன்னி மரியாளினதும் பாலகர்களினதும் முகத்தில் ஒளி காட்டப்பட்டுள்ளது.
• இவரது வர்ணத் தீட்டல் நுட்பமுறை கியுரெஸ்கியுரோ (Chiaros curo) எனப்படுகிறது.
• இருளான வர்ணங்கள் உபயோகித்துள்ளார். மண்ணிறத்தைப் பல விததில் பயன்படுத்தி உள்ளார்.
• தற்சமயம் இவ்வோவியம் லண்டன் நகரிலுள்ள நூதனசாலையில் வைக்கப்பட்டுள்ளது.

இறுதி இராப்போசனம்

• இது லியனாடோ டாவின்சியின் மற்றுமொரு உன்னத படைப்பாகும்.
• மிலானைச் சேர்ந்த மரியா டெலா கிரசி டொமினிக்கன் துறவிகளின் இல்லச் சுவரில் டெம்பரா முறையில் (உலர்ந்த சாந்தின் மேல்) இது சித்தரிக்கப்பட்டுள்ளது.
• மிகவும் உணர்வுபூர்வமாக இது வரையப்பட்டுள்ளது. சித்திரத்தின் மத்தியில் இயேசுநாதரும், இரு புறத்தில் பன்னிரு அப்போஸ்தலர்களும் வரையப்பட்டுள்ளனர். இயேசு நாதரை காட்டிக்கொடுத்த யூதாஸ் என்பவர் முகத்தில் குற்ற உணர்வு வெளிப்படுகிறது.
• கியுரெஸ்கியூரோ எனும் ஒளி – இருள் வர்ணக் கோட்பாட்டின்படி மத்தியில் இருக்கும் இயேசுநாதர் ஒளி பொருத்தியாவராகவும் ஏனையோர் இருண்ட வர்ணங்களாலும் வரையப்பட்டுள்ளனர். இது ஓவியரின் திறமையை எடுத்துக் காட்டுகிறது.
• கபில வர்ணத்தின் வெவ்வேறு சாயல்களைக் கொண்ட இருள் நிறங்கள், முப்பரிமாண இயல்பினையும், தூரதரிசன இயல்பினையும் வெளிப்படுத்துமாறு பயன்படுத்தப்பட்டுள்ளன.

மொனாலிசா

• லியனாடோ டாவின்சியின் புகழ்பெற்ற ஓவியங்களில் ஒன்றான மொனாலிசா ஓவியம் பிரான்ஸ் நாட்டில் லூவர் நூதனசாலையில் மக்கள் பார்வைக்காக வைக்கப்பட்டுள்ளது.
• மொனாலிசா பொப்லர் எனும் வகைப் பலகையில் எண்ணெய் வர்ணத்தினால் வரையப்பட்டுள்ளது.
• பிரான்சிஸ்கோ ஜியோ கொண்டா எனும் வணிகனின் மனைவியினது மெய்யுரு (Portrait) என ஏற்றுக்கொள்ளப்பட்ட இவ்வோவியம் பற்றி வேறு கருத்துக்களும் கூறப்படுகின்றன.
• இவ்வோவியத்திலும் தூரதரிசனம் செம்மையாகக் காட்டப்பட்டுள்ளது. தூரத்தில் நிலவுருக்காட்சியைக் காணக்கூடியதாக இருக்கிறது.
• முகம், மார்பு கைகள் எனும் பகுதிகளுக்கு ஒளி காட்டப்பட்டுள்ளது.
• மொனாலிசாவின் மென்மையான புன்னகையும், எங்கிருந்து பார்த்தாலும் பார்வையாளனைப் பார்ப்பது போன்ற பார்வையும் இரசிப்பவர்களை இன்றும் கவருகின்றன.

பயிற்சி வினாக்கள்