சோலியஸ் மென்டிஸ்

• சோலியஸ் மென்டிஸ் கலைஞன் கி.பி. 1897 யூன் மாதம் 17ஆம் திகதி சிலாபம் மாதம்பைக்கு அண்மையில் உள்ள மகாவெவ எனும் இடத்தில் பிறந்தார்.
• அவரது முழுப்பெயர் வலிமுனி சோலியஸ் மென்டிஸ் ஆயினும் தற்போது அவர் சோலியஸ் மென்டிஸ் என அழைக்கப்படுகிறார்.
• சோலியஸ் மென்டிஸ் கலைஞனால் மாவில் சுமன குசுமாராமயவில் வரையப்பட்ட எதிர்காலத்தில் புத்தராக இருக்கும் புத்தரின் உருவம் எனும் படைப்பே இவரது முதல் ஓவியம் ஆகும்.
• இவர் இந்தியாவில் ஓவியக் கலையைக் கற்றார். அஜந்தா, எல்லோரா , பாக் எனும் இடங்களில் சித்திரம், சிற்பம் என்பவற்றின் அமைப்பை ஆராய்ந்து கற்றார்.
• இவற்றின் மூலம் பெற்றுக்கொண்ட அறிவைக் கொண்டு புதிய களனி விகாரையில் உன்னதமான ஓவியங்களைத் தனக்கென உரிய பாணியில் வரைந்துள்ளார்.
• களனி விகாரையில் வரைந்த ஓவியங்களைவிட கீழே தரப்பட்ட விகாரைகளிலும் ஓவியங்களை அவர் வரைந்தார்.

♦ றனஸ்கல்ல விகாரை.
♦ கிரிஉள்ள மெத்தெபொல விகாரை.
♦ ஹபராதூவ பிட்டிதூவ கௌனிகொட விகாரை.
♦ பொலனறுவை ஸ்ரீ விஜய விகாரை.

• ஓவியக் கலைஞராக மட்டுமல்லாமல் மனித நேயம் கொண்ட ஒருவராகவும் வாழ்ந்துள்ளார் என்பதை அவரது படைப்புகள் மட்டுமல்லாமல் பொது மக்களுக்காக அவர் அளித்த நன்கொடைகள் எடுத்துக் காட்டுகிறது.

புதிய களனி விகாரையின் சுவரோவியங்கள் இருவகைப்படும்

♦ புத்தரின் வாழ்க்கைச் சம்பவங்கள்
♦ வரலாற்றுச் சம்பவங்கள்

புத்தரின் வாழ்க்கைச் சம்பவங்கள்

♦ மகாமாயா தேவி கண்ட கனவு.
♦ வயல் உழுதல்.
♦ சித்தார்த்தர் கல்வி பயிலுதல்.
♦ சுஜாதா பாற்சோறு தானம் வழங்குதல்.
♦ புத்தராகுதல்.
♦ சொத்திப் பிராமணர் புல் வழங்குதல்.
♦ இறை பதம் அடைதல்.

வரலாற்றுச் சம்பவங்கள்

♦ விஜயன் இலங்கைக்கு வருகை தருதல்.
♦ அனுராதபுர எல்லையைக் கட்டுதல்.
♦ அலுவிகாரையில் திரிபிடகம் நூலாக வெளியிடல்.
♦ ஹேமமாலாவும் நந்த குமாரனும் புனித தந்தத்தை இலங்கைக்குக் கொண்டு வருதல்.
♦ சங்கமித்தை வெள்ளரசுக் கிளையை இலங்கைக்கு கொண்டு வருதல்.
♦ வெலிவிட்ட ஸ்ரீ சுணங்கர தேரருக்கு கீர்த்தி ஸ்ரீ ராஜசிங்க மன்னனால் சங்கப் பதவியை வழங்கல்
♦ “புத்தகோ~ கிமியன் விசுத்தி மார்கய” (புத்கோ~ என்பவர் “விசுத்தி மார்கய” என்ற நூலை எழுதுதல்)

புத்தரின் இலங்கை விஜயத்தைக் காட்டும் நான்கு ஓவியங்கள்

♦ மகியங்கனை
♦ நாகதீபம்
♦ கல்யாணங் (களனி)
♦ பதலாஞ்சனங் (ஸ்ரீபாத / சிவனொளிபாதமலை)

ஹேமமாலாவும் தந்த குமாரனும் புனித தந்தத்தை
இலங்கைக்குக் கொண்டு வருதல்

• கீர்த்தி ஸ்ரீ கேகவர்ண அரசனின் காலத்தில் (கி.பி. 301 – 328) இவ் அரசனிடமிருந்து புனித தந்தத்தைப் பாதுகாக்க ஹேமமாலாவும் நத்த குமாரனும் அதை இலங்கைக்கு கொண்டு வரும் காட்சியை சித்திரிக்கிறது.
• இவர்கள் பிராமண வேடம் பூண்டு வந்ததாகக் கூறப்படுகின்றது.
• இது எல்லோரினதும் மதிப்பீட்டுக்குள்ளான உன்னதமான படைப்பு என குறிப்பிடப்படுகின்றது.
• மனங்கவர் வர்ணங்கள் பிரயோகிகப்பட்டுள்ளன. மென்மையான இரேகைகள் லயத்துடன் கூடிய மனித உருவங்களோடு ஒருங்கிணைத்து வரையப்பட்டுள்ளது.
• உடலழகு , ஆடையழகு போன்றவற்றை மிகச் சிறப்பாக வரைந்துள்ளார்.
• ஓவியங்களை வர்ணம் தீட்ட இருளான மஞ்சள், மண்ணிறம், கறுப்பு, வெள்ளை நிறங்களைப் பிரயோகித்துள்ளார். இதனூடாக வர்ணபேதத்தை வெளிப்படுத்தியுள்ளார்.
• இயற்கையின் அபூர்வத்தன்மையையும் இயற்கை தன்மையும் பேணும் விதத்தில் இவ்வோவியங்களின் பின்னணியைக் காட்டியுள்ளார்.

சங்கமித்தை வெள்ளரசுக் கிளையை இலங்கைக்குக் கொண்டு வருதல்

• அசோக மன்னனுடைய மகளான சங்கமித்தை வெள்ளரசுக் கிளையை இலங்கைக்கு கொண்டு வரும் காட்சியை இது காட்டுகிறது.
• அப்போது இலங்கையை ஆண்ட தேவநம்பியதீசன் ஜம்புக்கோள பட்டணத்துக்கு சென்று நீரில் இறங்கி வெள்ளரசுக் கிளையை ஏற்றுக் கொள்ளும் நிகழ்வு சித்தரிக்கப்பட்டுள்ளது.
• பாரிய தளத்தில் இது வரையப்பட்டுள்ளது. அவருக்கு ஏற்பட்ட சவால்களை வென்று நல்ல மன ஒருமைப்பாட்டுடன் இக்காட்சியை வரைந்துள்ளமையானது அவ்வோவியக் கலைஞனின் முதிர்ச்சியைக் காட்டுகிறது.
• அவ்வோவியத்தில் உள்ள கப்பலின் வடிவத்தை இரேகைகளால் மிக நுணுக்கமாகக் காட்டியுள்ளார். கடல் நீரின் அசைவையும் அவர் காட்டியிருக்கும் விதம் வியக்கத்தக்கது.
• லயத்துடன் கூடிய இரேகைகளுக்கு புத்துயிர் ஊட்டி அதற்கே உரிய வர்ணங்களை பிரயோகித்துள்ளார். பச்சை, வெள்ளை, கறுப்பு போன்ற நிறப்பிரயோகம் தனித்துவமான பண்பை எடுத்துக் காட்டுகிறது.
• சுருக்கமாக எடுத்துக் கொண்டால் விகாரையின் அனைத்து ஓவியங்களும் தூரதரிசனம், முப்பரிமாணத் தன்மை, லயத்துக்கேற்றிருத்தல், உயிர்ப்புடன் காணப்படல், பாவத்தின் வெளிப்பாடு, ஒழுங்கமைப்பு என்பன மிகச்சிறந்த வகையில் காணப்படுகிறது.
• டெம்பரா முறையில் உலர்ந்த சாந்தில் இவ்வோவியங்கள் வரையப்பட்டுள்ளன.
• சோலியஸ் மென்டிஸ் இந்தியாவுக்குச் சென்று ஓவியக் கலையைக் கற்றார். அப்போது நத்தலால் போஸ் என்பவர்களுடன் பழகும் வாய்ப்பு அவருக்குக் கிடைத்தது. எனவே அவருக்கு இவ்வாறான உன்னதமான சித்திரங்களை வரையக் கூடியதாக இருந்தது.
• இருள் ஒளித் தன்மையை வெளிப்படுத்தும் கியரொஸ்குரோ (Chiaros Curo) எனும் வர்ணந் தீட்டலை ஒத்த பண்புகள் இந்த ஓவியத்தில் காணப்படுகின்றன.

பயிற்சி வினாக்கள்