செய்தித்தாள் காட்டூன் கலைஞர்கள்

• செய்தித்தாள்களை மையமாகக் கொண்டு உருவாகிய சிறப்பான ஒரு படைப்பாக்கக் கலையே கருத்துப்படச் (காட்டூன்) சித்திரக் கலையாகும் (cartoon).
• செய்தித்தாள்களில் கருத்துப்படச் (காட்டூன்) சித்திரத்திற்கு சிறப்பான இடம் காணப்படு கிறது. சிலபோது செய்தித்தாள்களில், ஆசிரியர் தலையங்கத்தை விடவும் கூடுதலான முக்கியத்துவம் கருத்துப் (காட்டூன்) படத்துக்கு வழங்கப்படுவதுண்டு.
• பெருமளவு சொற்களைப் பயன்படுத்திக் கூற வேண்டிய பல கருத்துக்கள் கருத்துப் (காட்டூன்) படமொன்றின் மூலம் இலகுவாக வெளிப்படுத்தப்படும்.
• நடப்புச் சமூகத்தின் சமூக, பொருளாதார, அரசியல், பண்பாட்டு குறைபாடுகளை விகட உணர்வுடன் விவரணப்படுத்துவதே கருத்துப் (காட்டூன்) படத்தின் குறிக்கோளாகும்.
• எவரும் கிரகிக்கத்தக்கதாக இருத்தல் என்பது கருத்துப் படங்களின் சிறப்பியல்பாகும்.
• கருத்துப் படங்களின் வெற்றியும் கவர்ச்சியும், அதில் கலந்துள்ள விகடத் தன்மையின் வலிமையிலேயே தங்கியிருக்கும்.
• உருவங்களின் செயற்பாடு விகடத்தன்மை என்பன வெளிப்பாட்டின் மீது பங்களிக்கும் அம்சங்களாகும்.
• சமூக, அரசியல் நிலைமையை விவரணப்படுத்தும்போது அதற்காகக் குறித்த தனியாள் களின் நடத்தைக் கூறுகளை, கருத்துப் (காட்டூன்) படங்கள் மூலம் மிகச் சிறப்பாக வெளிக் காட்டலாம்.
• சம்பவங்களை எடுத்துக்காட்டுவதற்காக மொழியைப் பயன்படுத்தும் விதமும் வேறுபட்ட தாகும்.
• இலங்கைக் கருத்துப் (காட்டூன்) படப் படைப்பாக்கத்துறையின் முன்னோடிக் கலைஞர் களுள் ,

♦ ஓப்ரி கொலற்
♦ ஜிஃப்ரி யூனூஸ்
♦ டபிள்யூ. ஆர். விஜேசோம
♦ கமிலஸ் பெரேரா
♦ சி. சிவஞானசுந்தரம் (சிரித்திரன் சுந்தர்)
ஆகியோர் குறிப்பிடத்தக்க சிலராவர்.

ஓப்ரி கொலற்

• இலங்கைச் செய்தித்தாள் கருத்துப் (காட்டூன்) படக் கலையின் முன்னோடியாக ஓப்ரி கொலற் கருதப்படுகின்றார்.
• சமூக, பொருளாதார துறைகளை விகடத்துக்கு உள்ளாக்கும் வகையில் கருத்துப் (கார்டூன்) படங்கள் படைத்த கலைஞர் இவர் ஆவார்.
• ஓப்ரி கொலற் முதன் முதலாக 1945 இல் த ரைம்ஸ் ஒப் சிலோன் (The Times of Ceylon) எனும் செய்தித்தாளுக்கு கருத்துப் (காட்டூன்) படம் வரைந்துள்ளார்.
• ஓப்ரி கொலற் 43 குழுவைச் சேர்ந்த ஒரு கலைஞர் ஆவார்.
• அவர் வரைந்த 43 ஆம் குழுவின் உறுப்பினர்களைக் காட்டும் கருத்துப் (காட்டூன்) படம் மிகச் சிறந்த ஒரு படைப்பாகக் கருதப்படுகின்றது.

ஜிஃப்ரி யூனூஸ் (1932 – 2003)

• கலைஞர் ஓப்ரி கொலற் வழிகாட்டலுடன், அரசியல் கருத்துப் படக் கலைத்துறைக்கு வந்த காத்திரமான ஒரு காட்டூன் படக் கலைஞராக யூனூஸ் விளங்குகிறார்.
• தொடக்கத்தில் “அத்த” எனும் சிங்களச் செய்தித்தாளில் பணியாற்றிய அவர் பிற்காலத்தில் “ராவய” எனும் சிங்கள மொழிச் செய்தித்தாளில் பணியாற்றினார்.
• அவரால் படைக்கப்பட்ட சுவாரசியமான காட்டூன் படப் பாத்திரம் “அப்புஹாமி” ஆகும்.

டபிள்யூ. ஆர். விஜேசோம (1925 – 2006)

• 1930 களின் ஆரம்பத்திலிருந்து காட்டூன் படக் கலைத்துறையில் பிரபல்யம் பெற்ற ஒரு கலைஞர் விஜேசோம ஆவார்.
• 1950 ஆம் தசாப்தத்தில் ‘தரைம்ஸ் ஒப் சிலோன்’ (The Times of Ceylon) எனும் செய்தித்தாளில் காட்டூன் படங்களை வெளியிட்டு புகழ் பெற்றிருந்தார்.
• அவர் ”புஞ்சி சிஞ்ஞோ ” எனும் பெயரில் படைத்த காட்டூன் படங்கள் பொதுமக்களிடையே பிரபல்யம் பெற்றிருந்தன.
• தேசிய உடை தரித்தவராக தொடக்கத்தில் படைக்கப்பட்ட ‘புஞ்சி சிஞ்ஞோ’ பாத்திரம் படிப்படியாக உடல் மெலிந்து முள்ளுந் தோலுமாகி கந்தல் உடை அணிந்து இறுதியில் இன்றைய வாழ்க்கை நிலையை நினைவூட்டுவதாக உள்ளது.

கமிலஸ் பெரேரா (1939)

• இவர் சமகால காட்டூன் படக் கலைஞர்களுள் ஜனரஞ்சகமான ஒரு கலைஞராவார்.
• இவர் படைத்த ஜனரஞ்சகமான பல கருத்துப்படப் பாத்திரங்கள் உள்ளன.
• அவற்றுள் ‘கஜமேன்’ பாத்திரம் மிகப் பிரபல்யமானது.
• அதுதவிர சிரிபிரிஸ், தக்கொத் பத்மாவதி, மகோடிஸ் துமா, பட்டோ, டிக்கா, தொங்சேதங், சிமோனா, லபயா, கொட்டிங் அய்யா, ஸ்வீட்டீ, செல்லங்சேன போன்றவை பெரிதும் பிரபல்யம் பெற்றுள்ளன.

சி. சிவஞானசுந்தரம் (சிரித்திரன் சுந்தர்) 1924 – 1996

• 1924 – 1996 வரையில் வாழ்ந்த சி. சிவஞானசுந்தரம் பிரபல்யம் வாய்ந்த தமிழ்க் கருத்துப் (காட்டூன்) படக் கலைஞராகக் கருதப்படுகின்றார்.
• அவர் சித்திரக்கலை தொடர்பாக பம்பாய் சேர். ஜே. ஜே. கலைக்கல்லுரியில் (Sir J. J. School of Arts) பயிற்சி பெற்றார்.
• இந்தியாவில் இருந்த காலத்தில், திரு. ராஜா ரவிவர்மா அவர்களிடம் சித்திரம் வரைவதில் பயிற்சி பெற்றார்.
• அவர் ‘லோக்கசத்த’ எனும் மராட்டிய மொழிச் செய்தித்தாள், பிலிட்ஸ் (Blitz), கொன்ச் (Conch) ஆகிய ஆங்கிலச் செய்தித்தாள்கள், பல தமிழ்ச் செய்தித்தாள்களிலும் காட்டூன் படக் கலைஞராகச் செயற்பட்டுள்ளார்.
• 33 வருட காலம் சிரித்திரன்’ எனும் செய்தித்தாளை வெளியிட்டதோடு, அச்செய்தித் தாளுக்குக் காட்டூன் படங்கள் வரைந்தமையால், சிரித்திரன் சுந்தர்’ எனும் பெயரில் பிரபல்யமடைந்தார்.
• அவரால் படைக்கப்பட்ட சவாரித்தம்பர், சின்னக்குட்டி, மைனர் மச்சான் போன்ற பாத்திரங்கள் ஜனரஞ்சகமானவை.

பயிற்சி வினாக்கள்