கலைஞர் திஸ்ஸ ரணசிங்ஹ

• இருபதாம் நூற்றாண்டில் இலங்கை சிற்பக் கலையில் புதியதொரு மரபைத் தோற்றுவிப்ப தில் முன்னின்ற ஒரு சிறந்த கலைஞராக திஸ்ஸ ரணசிங்ஹ இனங்காணப்பட்டுள்ளார்.
• உள்நாட்டிலும், சருவதேச ரீதியிலும் புகழ் பரப்பியுள்ள திஸ்ஸ ரணசிங்ஹ, 1925 இல் நீர்கொழும்பு நகரையண்டிய யோகியானா எனும் கிராமத்தில் பிறந்தார்.
• மருதானைத் தொழினுட்பக் கல்லூரியில், ஜே டீ . ஏ. பெரேரா இன் கீழ்ச் சித்திரக் கலை பயின்ற அவர் இங்கிலாந்து சென்று செல்சியா கலைக் கல்லூரியிலும் (Chelsea School of Art), 1961 இல் றோயல் கலைக் கல்லூரியிலும் (Royal College of Art) சிற்பக் கலையைப் பயின்றார்.
• அக்கலைக் கல்லூரிகளில் பெற்ற கல்வி மற்றும் ஐரோப்பாவின் புதிய கலைப் படைப்புக் களின் செல்வாக்கினூடு திஸ்ஸ ரணசிங்ஹ தமக்கேயுரித்தான சிற்பக் கலைப் பாணியொன்றினை உருவாக்கிக் கொண்டார்.
• சிற்பக் கலைப் படைப்புக்களில் பொதுவாகக் காணப்படும் இயற்கையாக, இயல்பான வடிவங்களை விட வேறுபட்ட கருத்துநிலையான உருவங்களின் சேர்மானத்தாலான உருவங்களே அவரது படைப்புக்களுக்கு அடிப்படையாக அமைந்தன.
• இலங்கைச் சிற்பக் கலையின் பாரம்பரியமாக ஊடகங்களை மாற்றியமைத்து, வெண்கல ஊடகத்தையும் வார்ப்பு முறையையும் அறிமுகஞ் செய்தார்.
• இலங்கைக் கலைஞர் ஒருவர் பெற்ற மிக உயர்வான சருவதேச விருது, 1963 இல் பிறேசில் நாட்டில் நடைபெற்ற ‘சாவோபோலோ ‘ கண்காட்சிக்காக முன்வைத்த ” குற்றப் பரிகாரம் ” (Penance) எனும் உலோகத்தாலாக்கப்பட்ட சிற்பத்துக்குக் கிடைத்தது.
• திஸ்ஸ ரணசிங்ஹ கலைஞன் படைப்புக்களுள் அடிப்படையாக அமைந்த கருப் பொருள்கள் பின்வரும் வெவ்வேறு பரப்புகளைச் சேர்ந்தவையாகும்.
  ♦ பிரமுகர்களின் பிரதிமைச் சிற்பங்கள் – பரணவித்தான சிற்பம்
  ♦ சமய எண்ணக்கருக்களைக் காட்டும் சிற்பங்கள் (பெளத்த, இந்து )
  ♦ கடினச் செயலைக் காட்டும் சிற்பம், குற்றப்பரிகாரம் , கணேஷ சிற்பம்
  ♦ வரலாற்றைக் காட்டும் படைப்புக்கள்
  ♦ கொழும்பு றோயல் கல்லூரி ‘நவரங்கஹல ‘ மண்டபத்தின் குறைபுடைப்புச் செதுக்கல் வேலைப்பாடு

• இலங்கைச் சிற்பக் கலையில் நவீன அணுகுமுறையில் திஸ்ஸ ரணசிங்ஹ தாபித்த சிற்பக் கலைப்பாணியானது தற்கால சிற்பக் கலைஞரின் படைப்பாக்கங்கள் மீது செல்வாக்குச் செலுத்தியுள்ளமையைக் காண முடிகிறது.

கடினச் செயல் (துஷ்கர கிரியா )

• கடினச் செயல் எனும் இச்சிற்பம் திஸ்ஸ ரணசிங்ஹ கலைஞரது மிகச் சிறந்த ஒரு படைப்பாகப் போற்றப்படுகின்றது.
• சித்தார்த்த போதிசத்துவரின் கடினச் செயலைக் காட்டும் இச்சிற்பத்தின் மூலம் அக் கருத்தைக் காட்டுவதற்காக, கரைந்து தேய்ந்து போன சதைப்பகுதிகளைக் கொண்ட உடலின் எலும்புத் தொகுதி நன்கு உருவாக்கப்பட்டுள்ளது.
• இயற்கையான மனித உருவத்தின் அக, புற கட்டமைப்பை விட மேலாக உள்ளுணர்வு களைக் காட்டத்தக்கவாறான யதார்த்த பாணியிலான வடிவமைப்புக்கள் இச்சிற்பத்தில் அடங்கியுள்ளன.
• இயற்கைவாத கலைப்பிரயோகம் இக்கலைப் படைப்பில் பயன்படுத்தப்படவில்லை.
• இக்கலைப் படைப்பு மீது கருத்துநிலை / அருவ கலைப் பண்புகள் செல்வாக்குச் செலுத்தியுள்ளமைக் காண முடிகின்றது.
• இவ்வடிவங்கள் குறை கருத்து நிலையான (Semi- ABSTRACT) மற்றும் குறைவெளிப்பாட்டு வடிவங்களின் சேர்மானத்தினாலானவை என்பது கலை விமர்சகர்களின் கருத்தாகும்.
• நவீன கலைப் பிரயோகங்களைக் காட்டும் இச்சிற்பப் படைப்பு வெண்கல ஊடகத்தில் வடிக்கப்பட்டுள்ளது.

கொழும்பு றோயல் கல்லூரி – குறை புடைப்புப் படைப்பாக்கம்

• கொழும்பு றோயல் கல்லூரி ‘நவரங்கஹல ‘ மண்டபத்தில் உள்ள இப்படைப்பு , புடைப்புச் சிற்பக் கலையில் புதுப்பரிமாணத்தை ஏற்படுத்திய ஒரு படைப்பாகும்.
• ரெறாகொட்டா முறையில் உருவாக்கப்பட்டுள்ள இப்படைப்பின் கருப்பொருள் “இலங்கையில் நாடகக் கலையின் வரலாறு” ஆகும்.
• நாடகக் கலை வரலாற்றின் நான்கு கட்டங்கள் இங்கு சேர்மானஞ் செய்யப்பட்டுள்ளது.
• கனவுருக் கலைத்துவப் பண்புகள் இப்படைப்பின் மீது செல்வாக்குச் செலுத்தியுள்ளது என்பது விமர்சகர்களின் கருத்தாகும்.
• கருத்து நிலையான கனவுருவவாத தளவடிவங்களோடு, பாணி சார்ந்த தளவடிவங்களும் இப்படைப்பில் பயன்படுத்தப்பட்டுள்ளது.
• இந்த ரெறாகொட்டா படைப்புக்காகப் பயன்படுத்தப்பட்டுள்ள நிறங்கள் படைப்பின் அழகையும் கருத்து வெளிப்பாட்டுத் திறனையும் கனவுருவவாத முனைப்புறுத்தியுள்ளது.

பயிற்சி வினாக்கள்