இசுறுமுனியா செதுக்கல்கள்

• இசுறுமுனிய விகாரையும் அங்கு காணப்படும் செதுக்கு வேலைப்பாடுகளும் அனுராதபுர காலத்தைச் சேர்ந்தவையாகும்.
• இசுறுமுனிய விகாரை அனுராதபுர திசாவாவியினருகே “ரன் மசு” பூங்காவிற்கு தெற்கில் அமைந்துள்ளது.
• இது இலங்கையில் அமைக்கப்பட்ட முதல் பெளத்த வணக்கத் தலமான விகாரை எனக் கருதப்படுகிறது.
• இது மகிந்த தேரரிடம் குருத்துவம் பெற்ற அரிட்ட குமாரன் முதற் கொண்டு இசுறு குலத்தோர் 500 பேர்கள் வாழ்ந்த இடமெனவும் மகாவம்சம் கூறுகிறது.
• இது கி.மு. மூன்றாம் நூற்றாண்டில் தேவநம்பிய தீசன் மன்னனால் கட்டுவிக்கப்பட்டது என மகாவம்சம் கூறுகிறது.
• வணக்கத் தலமாக இருந்தபோதும், இங்கு காணப்படும் கலை நிர்மாணங்கள் சமயச் சார்பற்ற தொனிப்பொருள்களை கொண்டவையே.
• அரைப் புடைப்பு, சிறுபுடைப்பு நுட்ப முறையிலான மனித விலங்கு உருவங்களும் செதுக்கல்களும் இவற்றுக்கு சான்று பகிர்கின்றன.

♦ காதலர் சிற்பம்
♦ அரச குடும்பம் செதுக்கல்
♦ குதிரைத் தலையும் மனித உருவமும்
♦ நீராடும் யானைகள்

• இச்செதுகல் படைப்புக்களில் உருவங்களின் தன்மை, விடயப்பொருள் ஆகியவற்றைக் காட்டுவதற்காக குப்தர் மற்றும் பல்லவர் கால இந்து கலைப் பொருள்களின் செல்வாக்கு பெறப்பட்டுள்ளது என்பது விமர்சகர்களின் கருத்தாகும்.
• இசுறுமுனிய செதுக்கல்கள் இலங்கையின் அருஞ் செல்வங்களாக கருதப்படும் நிலைத்துள்ள நிர்மாணங்களாகின்றன.

இவற்றில் காணப்படும் கலைப் பண்புகள்

• தளத்துக்குப் பொருத்தமாகச் செதுக்கப்பட்டிருத்தல்.
• உணர்வுகள் முகத்தினாலும் மெய்ந்நிலைகளாலும் காட்டப்பட்டிருத்தல்.
• இயற்கையான வடிவங்களும் மெய்ந்நிலைகளும் சந்தத்துடன் வெளிப்பட்டிருத்தல்.
• மென்மையான, ஒப்பமான முழுநிறைவைக் கொண்டிருத்தல்.

அரச குடும்பம் செதுக்கல்

• இசுறுமுனிய செதுக்கல்களுள் அரச குடும்பக் காட்சியை சித்தரிக்கும் செதுக்கல் முக்கியத்துவம் வாய்ந்தது.
• இது 4 அடி நீளமுடைய அரைவட்ட வடிவமான கற் தகட்டில் அரைப்புடைப்பு நுட்ப முறையில் நிர்மாணிக்கப்பட்டுள்ளது.
• அரை வட்டவடிவ கற் தகட்டில் உருவங்களை சிறப்பாக ஒழுங்கமைத்து நடுவில் அரச தோரணையில் அமர்ந்திருக்கும் உரு உள்ளது.
• வலது புறத்தே கைகளை நெஞ்சு மீது கட்டி அமர்ந்த நிலையில் உள்ள ஓர் ஆணும், அவரின் பின்னால், மத்தியில் உள்ள உருவம் சாமரை வீசும் மற்றொருவரும் (சேவகன்) உள்ள னர்.
• பேராசிரியர் செனரத் பரணவித்தானவின் கருத்துக்கமைய இது துட்டகைமுனு மன்னனின் குடும்பமாகும்.
• அரச ஆடையணிகள் தரித்து மத்தியில் இருக்கும் உருவில் துட்டகைமுனு மன்னனும் , வலது புறத்தே நெஞ்சு மீது கைகளைக் கட்டி நிற்கும் உருவம் குமாரன் சாலியனும் காட்டப்படுவதாக பரணவிதாரன அவர்கள் கருதப்படுகின்றார்.
• அலங்கார ஆடை அணிகலன்களுடன் கூடிய உருவங்கள் லயத்துடன் செதுக்கப்பட் டுள்ளது.
• உணர்வுபூர்வ வெளிப்பாடு முகத்திலும், மெய்நிலைகளிலும் வெளிப்படுத்தப்பட்டுள்ளது.
• மிருதுவாக அரைப்புடைப்பு நுட்ப முறையில் செதுக்கப்பட்ட ஆக்கம்.

காதலர் சிற்பம்

• குப்த சிற்பக் கலை மரபில் நிர்மாணிக்கப்பட்டுள்ளது.
• இது சதுரவடிவ கற் தகட்டில் அரை புடைப்பு சிற்ப நுட்ப முறையில் செதுக்கப்பட்டுள்ளது.
• இந்நிர்மாணிப்புத் தொடர்பாக பல கருத்துக்கள் உள்ளன. பேராசிரியர் செனரத் பரணவித்தான தெரிவித்துள்ள கருத்தே முக்கியத்துவம் வாய்ந்ததாகக் கருதப்படுகிறது. இதில் சாலிய குமாரனும் அசோகமாலாவும் காட்சிப்படுத்தப்பட்டுள்ளதாகக் கூறுகிறார். இவர்களது காதற் கதையுடன் தொடர்புள்ள ‘ரன் மசு உயன ‘ பூங்கா அண்மையில் அமைந்திருப்பதை அதற்கான காரணமாகக் காட்டியுள்ளார்.
• இந் நிர்மாணிப்பு பற்றிய ஏனையவர்களது கருத்துக்கள் பின்வருமாறு உள்ளன.

♦ சிவ பார்வதி என்பது
♦ மஞ்சுசிறீ போதிசத்துவரின் ஒரு வேடம் என்பது
♦ மஞ்சுசிறீ போதிசத்துவரின் ஒரு வேடம் என்பது
♦ படைவீரனும் அவனது காதலியும் என்பது

• அலங்கார ஆடை அணிகலன்கள், ஆண்மை , சிறந்த தேக லட்சணம், உணர்வு வெளிப்பாடு , காதல் போன்ற பாவ உணர்வுகளுடன் இச்சிற்பம் பொளியப்பட்டுள்ளது.
• மென்மை, ஒப்பமான தன்மை, இயல்பான தளவடிவங்கள், சந்தத்துக்கு இசைவான தன்மையுடன் மெய்ந்நிலை வெளிப்பாடு போன்றவை இச்சிற்பத்தின் சிறப்பியல்பாகும்.

குதிரைத்தலையும் மனித வடிவமும்

• இசுறுமுனிய விகாரைக் குளத்துடன் இணைந்த பாறைச் சுவர் மீது அமர்ந்திருக்கும் மனிதனும், குதிரை ஒன்றின் தலைப்பகுதியும் பொழியப்பட்டுள்ளது.
• மனிதன் கம்பீரமாக அமர்ந்து குளத்தை பார்த்துக் கொண்டு இருக்கும் விதம் காட்சிப் படுத்தப்பட்டிருக்கிறது.
• ‘மகாரஜ’ தோரணையில் அமர்ந்து இருப்பதாகக் கூறப்படுகிறது.
• ஆடையணிகள் மிகக் குறைவாகவும் எளிமையாகவும் காட்டப்பட்டுள்ளன. தலையணி, காதுகளிலும் கைகளிலும் ஆபரணங்கள், இடையில் குறு ஆடை போன்றவை உள்ளன.
• அவரது வலது புயத்தில் மாட்டப்பட்டுள்ள கயிறு குதிரையுடன் இணைந்ததாகும்.
• குதிரையின் தலை மாத்திரம் காட்டப்பட்டுள்ளது.
• பேராசிரியர் செனரத் பரணவிதான அவர்களின் கருத்துப்படி மனிதனும் குதிரைத்தலையும் நீரையும் அக்கினியையும் குறிக்கிறது. மனிதன் மழைக்கு அதிபதி வருணபகவான்vஎனவும், குதிரை மின்னலைக் குறிப்பதாக அவர் கருத்து.
• போர்வீரன் கபில ரிஷி என்னும் வேறு கருத்துக்களும் நிலவுகின்றன.
• பல்லவ சிற்ப மரபைத் தழுவி எளிமையான சுபாவத்தில் கம்பீரமான தோற்றத்துடன்vபொழியப்பட்டிருப்பதும் சிறப்பாகும்.
• இது (அரைப்புடைப்பு) குறைபுடைப்பு நுட்பமுறையில் செதுக்கப்பட்டுள்ளது.
• மென்மையாகவும் மெருகுடனும் பூரணப்படுத்தி அரைப்புடைப்பு நுட்ப முறையில்vபொழியப்பட்டுள்ளது.

நீராடும் யானைகள்

• இசுறுமுனிய விகாரைக் குளத்துடன் இணைந்த பாறைச் சுவரில் இயற்கையான உருவங்களாக செதுக்கப்பட்டுள்ளன.
• இயற்கைக் கற்பாறையில் அரைப்புடைப்பு நுட்ப முறையில் இச்சிற்பம் செதுக்கப் பட்டுள்ளது.
• குளத்தில் இறங்கி நீராடும் யானைகளின் பல்வித மெய்நிலைகளின் காட்சி பாறைச் சுவரில் அரைப்புடைப்பில் செதுக்கப்பட்டுள்ளது.
• யானை உருவங்கள் நேராகவும் பக்கவாட்டிலும் அமைந்துள்ளன.
• யானைகளின் அசைவு , சந்தம் , துடிப்பு என்பன வெளிப்படும் விதத்தில் ஒருங்கிணைத்து செதுக்கப்பட்டுள்ளன.
• பல்லவ சிற்ப மரபில் செதுக்கப்பட்டுள்ளன.
• இந்தியாவின் மாமல்புரத்து கங்காவரோகணச் செதுக்கல்களை ஒத்திருப்பதாக கருதப்படுகிறது.
• இயற்கை வடிவமைப்பில் மிருதுவான தன்மையில் மெய்நிலைகள் மிகச் சிறப்பாக வெளிப்படுத்தப்பட்டுள்ளன.

பயிற்சி வினாக்கள்