இந்து மதப் பண்பாடுகளுடன் இணைந்த மரச் செதுக்கல்கள்

வரலாற்றுப் பின்னணி

• சங்க காலத்தில் இருந்து மரச்செதுக்கல்கள் இருந்ததாக “மணிமேகலை” எனப்படும் இந்திய வரலாற்று நூல் எடுத்துக்கூறுகின்றது.
• மரம், யானைத்தந்தம், களிமண் ஆகியவற்றால் உருவாக்கப்பட்ட சிலைகள் இருந்ததாக அதிலுள்ள பாடலொன்றில் குறிப்பிடப்பட்டுள்ளது.
• அதன்படி மரத்தால் ஆன சிலைகள் இருந்திருப்பின் அவை செதுக்கல்களாக இருந்திருக்கும் என எண்ணலாம்.
• பல இலக்கிய மூலங்களில் இந்து மதத்துடன் தொடர்புடைய மரச் செதுக்கல்கள் பற்றிக் குறிப்பிடப்பட்டுள்ளன.
• செதுக்குதல், உருவங்களை வரைதல், வர்ணம் தீட்டுதல், அலங்கார வேலைப்பாடுகளின் உபயோகம் தொடர்பாகவும் இவற்றில் குறிப்பிடப்பட்டுள்ளன.
• பல்லவர் காலத்திலும் சோழர் காலத்திலுமே மரவாகனங்கள் வளர்ச்சியடைந்தன என்பது அறிஞர்களது கூற்றாகும்.

செதுக்கப்பட்ட நிர்மாணிப்புகளும் அவற்றின் உபயோகமும்

• இந்து ஆலயங்களில் பல விழாக்கள் நடைபெறுகின்றன. அந்தந்த விழாக்களுக்குச் சிறப்புப்பெற்ற வாகனங்கள் நிர்மாணிக்கப்பட்டுள்ளன.
• இவ்வாறான அதிக வாகனங்கள் மரத்தால் அமைக்கப் பட்டிருப்பதால் இவை மரவாகனம் என குறிக்கப்படுகின்றன.
• இவை செதுக்கு வேலைப்பாடுகளாலேயே அலங்கரிக்கப்பட்டுள்ளன. இந்து மதம் பரவலடையத் தொடங்கியதுடன் இலங்கையிலும் கோயில்களில் மரவாகனங்கள் உருவாக்கப்பட்டள்ளன.
• இவை தெய்வங்களுக்காக நிர்மாணிக்கப்பட்டவையாகும். தெய்வ உருவங்களை இவற்றில் வைத்து சுற்றுப் பிரகாரத்தில் கொண்டு செல்வர்.

வாகன வகைகள் முக்கியமாக இருவகைப்படும்.

1. வடம் எனப்படும் கயிற்றால் இழுத்துச் செல்லப்படும் வாகனங்கள்.
   உதாரணம் : தேர், மஞ்சம், கைலாச வகாகனம், சப்பறம்
2. மனிதர்களால் தூக்கிச் செல்லப்படும் வாகனங்கள்
   உதாரணம் : சிங்க வாகனம், நாக வாகனம், அன்ன வாகனம், எலி வாகனம் (மூசிக), மயில்வாகனம், குதிரை வாகனம்

செதுக்கல் வேலைப்பாடுகள்

• மரத்தால் செதுக்கி வர்ணமிடப்பட்டு அலங்கரிக்கப்பட்டுள்ளன.
• விலங்குருவங்களும் பட்சி உருவங்களும் இங்கே உபயோகிக்கப் பட்டுள்ளன.
• யானை, சிங்கம், குதிரை போன்ற உருவங்களும், குள்ள வடிவில் உள்ள மனித உருவங்களும் (முயலகன்), யாழி (பல விலங்குகளை உபயோகித்து உருவாக்கப்பட்டது), காமதேனு (பெண் தலையும் பசுவின் உடலையும் கொண்ட) போன்ற கற்பனை வடிவில் அமைந்த சிறப்பான உருவங்களும் உபயோகிக்கப்பட்டுள்ளன.
• மலர் அலங்காரங்கள் வர்ணங்களிட்டு கவர்ச்சிகரமாக அமைக்கப் பட்டுள்ளன.

தற்போது இலங்கையில் காணப்படும் செதுக்கல்களுடனான சிறப்பான மர வாகனங்கள்

சிங்க வாகனம்

• இதனை யாழ்ப்பாணத்தின் மூளாயிலமைந்த சித்தி விநாயகர் கோயிலில் காணலாம்.
• 20ஆம் நூற்றாண்டில் வட்டுக்கோட்டை சின்னட்டியார் ஆசாரியால் நிர்மாணிக்கப்பட்டது.

கலைத்துவப் பண்புகள்

• மோடிப்படுத்தப்பட்ட உருவமொன்றாகும். மிகவும் நுட்பமான முறையில் செதுக்கப்பட்டுள்ளது.
• துருத்தி நிற்கின்ற உருட்டு விழிகள், சிவந்த முரசுடைய திறந்த வாய், அவற்றில் காணப்படும் சிறிய மற்றும் நெடுத்த பல் வரிசை, முகத்துக்குச் சமாந்தரமாக வளைந்தெழுந்து வில்போல நிற்கும் வால், சீற்றத்தையும் கம்பீரத்தையும் வெளிப்படுத்துகிறது.
• அடுக்கடுக்கான மாலைகள், பதக்கங்கள் என்பவற்றையுடைய கழுத்தணி வரிசைகளில் பூவலங்காரங்கள் இடப்பட்டுள்ளன.
•  வைத்திழைத்த கண்ணாடி புடைப்பலங்காரங்கள் ஒளிதெறித்து அதற்கொரு புராணிக விண்ணுலகப் பாங்கைத் தருகிறது.

குதிரை வாகனம்

• யாழ்ப்பாண நல்லூர் கந்தசாமி கோயிலில் இதனைக் காணலாம்.
• திருவிடை மருதூர் கோவிந்தசாமி ஆசாரியாரால் 1963-1964 காலப்பகுதியில் செதுக்கப்பட்டது.

கலைத்துவப் பண்புகள்

• நேர்முகத் தன்மையானது. யுத்தம் முதலான செயற்பாடுகளை நோக்கி ஆக்கிரோசமாகப் பாயும் தோரணையுடையது.
• அதன் உடற்பாரத்தை பின்னால் வைத்தல் என்ற பொறிமுறை பேணப் பட்டுள்ளது.
• இது, ஆக்கிரோசம், கம்பீரம் , மிடுக்கு எனும் பண்புகளை வெளிப்படுத்துவதாக உள்ளன. இது உணர்வுகளை வெளிப்படுத்தும் ஒரு நிர்மாணிப்பாகும்.

மஞ்சம்

• யாழ்ப்பாண இணுவில் கந்தசாமி கோயிலில் இதனைக் காணலாம்.
• இது 1909 – 1910 காலப்பகுதிக்குரிய மஹோற்சவ நாட்களில் ஒன்றான மஞ்சத் திருவிழாவுக்கான விசேட ஊர்தியாகும்.
• இது இழுத்துச் செல்ல இலகுவான விதத்தில் அமைக்கப்பட்டுள்ளது.

ஊர்தியின் தன்மையும் கலைத்துவப் பண்புகளும்

• இவ்வூர்தி மரச் செதுக்கல்களைக் கொண்டது.
• இது அமைப்பு ரீதியாக கீழ்ப்பகுதி, நடுப்பகுதி, மேல் பகுதி என மூன்றாக வகுக்கப்படும்.
• கீழ்ப்பகுதியின் சக்கரங்களுக்கு மேல் அடுக்குகளை உடையது. இது கடவுளர்கள், விலங்குகள், பறவைகள், பூதங்கள் மற்றும் தாமரை, பலாப்பெத்தி முதலியன உடையதாகக் உள்ளது.
• நடுப்பகுதி கடவுளர்களை வைக்கும் பீடத்தோடு ஆரம்பமாகிறது. அதனை தேவாசனம் என்பர். தேவாசனப் பகுதியையும் மேற்பகுதியையும் இணைக்கும் தூண்கள் பவளக்கால்கள் எனப்படும். இந்தப் பவளக் கால்களுடைய வெளிப்பக்கங்களில் தட்டையான, நெடுத்த யாழிகள் சுற்றி வர அமைந்துள்ளது.
• மேற்பாகம் விமானம் எனப்படும். இது கோயிலின் கோபுர பண்புகளைக்கொண்டது. இது பல அடுக்குகளைக் கொண்டுள்ளது. விமானத்தின் அடுக்குகளின் உள்ளே தெய்வ உருவங்கள் (விக்கிரகங்கள்) காணப்படுவதுடன் வெளியே விலங்குருவங்களும் மலர்கொடி அலங்காரங்களும் காணப்படுகின்றன.

தேர்

• மட்டக்களப்பு கொக்கட்டிச் சோலை தான்தோன்றீஸ்வரர் ஆலயத்தில் சிறப்புத் தேரொன்று காணப்படுகின்றது.
• இது நூற்றாண்டுகளைக் கடந்தது.

தேரின் அடிப்படைத் தோற்றமும் கலைத்துவப் பண்புகளும்

• இத் தேர் சிற்பங்கள் இலங்கையில் காணப்படும் காலத்தால் முற்பட்ட மரச் செதுக்கு பாரம்பரியத்தை வெளிப்படுத்துகின்றன.
• அங்குள்ள தேர்களில் சிவனுக்குரிய தேர் அதிக பழைமை வாய்ந்தது.
• தேர்களில் மூலத்தேர், கட்டுத்தேர் என இரு வகைகள் உண்டு.
• இவற்றின் அடிப்படை அமைவு வட்டச்சுற்றுடையது. இவ்வட்டங்கள் மேலே செல்லச் செல்ல அவற்றின் விட்டங்கள் குறைந்து ஒடுங்குகின்றன.
• இத்தேர்களும் மஞ்சம் போன்று மூன்று பகுதிகளைக் கொண்டது.
• மூலத்தேர் என்பது கீழிருந்து மேலே வரைக்கும் ஒட்டுமொத்தமாக நிரந்தரமாமகப் பொருத்தப்பட்டிருக்கும் அமைப்பை உடையது.
• கட்டுத் தேரானது கீழ்ப்புறத்தை மட்டுமுடையதாகவும் மேற்பக்கம், நடுப்பக்கம் ஆகியன தேரோட்டத்தின்போது மட்டும் தற்காலிகமாகப் பொருத்தப்படுவதாகவும் அமையும்.
• அவ்வாறான தேர்களில் மேற்பாகம் துணியால் சுற்றிக் கட்டப்படும். துணியால் வேயப்படும் பகுதி பல வர்ணத் துணிகள், கொடிகள் ஆகியவற்றுடன் காணப்படுகிறது.
• தேர்களின் அடித்தளமானது புராணக் கதைகள், கடவுளர் விக்கிரகங்கள், யாழிகள், அன்னங்கள், பூத (குள்ளர்) வரிசைகளும் சிருங்கார இரசனையுடைய அலங்கார வேலைப்பாடுகளும் கொண்டுள்ளது.

பயிற்சி வினாக்கள்